Të dashur qytetarë të Haraçinës,
Sot nuk po ju flas vetëm si Skender Isufi – një banor i kësaj toke, bir i kësaj treve, por si një njeri i përkushtuar me zemër e shpirt për të ardhmen tonë të përbashkët.
Haraçina jonë ka qëndruar gjithmonë krenare, e fortë dhe e papërkulur përballë sfidave. Por tani është koha që të mos qëndrojmë vetëm me krenarinë e së kaluarës, por të ndërtojmë një të ardhme që fëmijët tanë e meritojnë – të pastër, të drejtë dhe plot mundësi.
Unë nuk premtoj mrekulli, por premtoj punë të ndershme, besnikëri ndaj popullit dhe vendime të guximshme për të mirën e përbashkët. Dua një Haraçinë ku të rinjtë nuk ikin, por kthehen. Një komunë me infrastrukturë moderne, shkolla cilësore, shëndetësi të përmirësuar dhe shërbime që respektojnë çdo qytetar.
Unë, Skender Isufi, kërkoj besimin tuaj – jo për pushtet, por për shërbim. Të bëhemi bashkë për një komunë që i përgjigjet qytetarit, për një administratë transparente dhe për një të ardhme ku çdo zë dëgjohet dhe çdo punë mbarohet me përgjegjësi.
Me respekt dhe vendosmëri,
Skender Isufi
Kandidat për Kryetar të Komunës së Haraçinës
