Sekretari i Përgjithshëm i NATO-s, Jens Stoltenberg ka folur para gazetarëve në Vilninus për situatën në veri të Kosovës, për të cilën u shpreh i shqetësuar.
Ai i ka ftuar palët që të ulin tensionet në veri të Kosovës.
“Ne jemi të shqetësuar për situatën e tensionuar në veri të Kosovës dhe i ftojmë të dyja palët që të ulin tensionet atje”, deklaroi Stoltenberg para gazetarëve para takimit të NATO-s në Vilnius.
Stoltenberg vuri në dukje se NATO është e pranishme në Kosovë përmes KFOR-it për të siguruar paqen e stabilitetin.
Ai shtoi se është i gatshëm të takohet me presidentin e Serbisë, Aleksandar Vuçicc, pasi ky i fundit ditë më parë ka kërkuar një takim me Sekretarin e Përgjithshëm të NATO-s rreth situatës në veri të Kosovës.
