Komisioni për Zgjedhje dhe Emërime për sot në ora 13:00 ka caktuar seancë, në të cilën pritet të diskutohet për zgjedhjen e anëtarit të Komisionit Shtetëror të Zgjedhjeve (KSHZ), bazuar në propozimet e partive politike.
Deputeti i Lëvizjes Besa, Fadil Zendeli, në një deklaratë të shkurtër ka konfirmuar se kandidati Zulfi Adili i propozuar nga Partia Demokratike Europiane i Arjanit Hoxhës është tërhequr nga kandidatura e tij dhe se kandidati i propozuar nga koalicioni opozitar shqiptar Lëvizja Evropiane për Ndryshim mbetet në “garën” për anëtar të KSHZ-së – Abdush Demiri.
Opozita shqiptare ka kohë që bojkoton Kuvendin me deputetët e saj për faktin se nuk u zgjodh propozimi i tyre për anëtar të KSHZ-së.