Këngëtarja Saranda Krasniqi ka publikuar këngën e saj më të re me titull “Hajde Bukuroshe”, një projekt që sjell ritëm, energji dhe frymën e muzikës shqiptare.
Kënga është realizuar me tekst nga Sami Aliu, ndërsa muzika mban firmën e Emin Aliut. Për orkestrimin është përkujdesur Habib Meçe, kurse miksimi dhe masterizimi janë realizuar në Studio Xheni në Shkup.
Me interpretimin e saj karakteristik dhe zërin e veçantë, Saranda Krasniqi sjell një këngë që pritet të pëlqehet nga publiku dhe të gjejë vend në repertorin e adhuruesve të muzikës popullore shqiptare.
“Hajde Bukuroshe” vjen e shoqëruar edhe me videoklip, duke kompletuar një projekt të kuruar me kujdes në çdo detaj. Kjo këngë është dëshmi e vazhdimësisë së angazhimit të Sarandës për të sjellë krijime të reja dhe për të qëndruar pranë publikut të saj me projekte cilësore.
