Pamjet që vërshojnë mediat sociale pas tërmeteve që goditën Turqinë dhe Sirinë të hënën janë tronditëse.
Mes të bllokuarve ka shumë fëmijë , të cilët po bëjnë betejën e tyre për të qëndruar gjallë.
Njëri prej tyre u kap duke pirë ujë nga një tapë shishe, ndërsa një ekip turk kërkim-shpëtimi u përpoq ta shpëtonte.
Bëhet fjalë për djalin e vogël nga Siria, Mohammedin e vogël, i cili mbeti nën rrënoja në Antioki, në jug të Turqisë.
“Bravo Mohamed” ka shkruar në Twitter kryetari i bashkisë së Stambollit, Ekrem Imamoglu, në postimin e videos përkatëse, duke thënë se djali i vogël është liruar përfundimisht nga një grup shpëtimtarësh.
