Deputetja e Aleancës Kombëtare për Integrim, Rina Ajdari, ka përshëndetur rezultatin e arritur në Gostivar dhe Vrapçisht, duke theksuar se vullneti i qytetarëve u shpreh qartë dhe pa mëdyshje.
“Sot, në Gostivar dhe Vrapçisht, populli e dha mesazhin qartë. Aleanca Kombëtare për Integrim dëshmoi edhe njëherë se besëlidhja dhe misioni ynë janë ende gjallë,” deklaroi Ajdari.
Ajo falënderoi qytetarët për besimin e dhënë dhe strukturat partiake për angazhimin e tyre, duke uruar fitoren për të gjithë mbështetësit dhe aktivistët që kontribuuan në këtë rezultat.
“Në çdo sfidë, mbështetja e qytetarëve mbetet forca jonë më e madhe. Urime fitoren të gjithëve,” përfundoi deputetja Ajdari.