Sekretari i përgjithshëm i BDI-së, Faton Ahmeti, ka reaguar ashpër pas sulmit brutal ndaj dy të rinjve shqiptarë në Tetovë, duke e cilësuar ngjarjen si një akt të turpshëm dhe të rrezikshëm, që vetëm thellon ndasitë etnike.
“Së bashku kundër dhunës dhe urrejtjes! Ajo që ndodhi dje është e papranueshme. Kërkojmë nga organet kompetente të veprojnë menjëherë dhe autorët të marrin dënimin e merituar”, tha Ahmeti.
Ai theksoi se Tetova nuk guxon të shndërrohet në arenë të dhunës dhe urrejtjes, ndërsa bëri apel për siguri, drejtësi dhe barazi për të gjithë qytetarët.
“Heshtja ndaj këtyre rasteve është bashkëfajësi”, shtoi Ahmeti, duke kërkuar reagim të menjëhershëm institucional.