Përparim Rama ka njoftuar se më 28 maj, nën patronatin e Kryeqytetit, do të organizohet ceremonia përkujtimore në nder të dy figurave të shquara të luftës çlirimtare, Fehmi Lladrovci dhe Xhevë Lladrovci.
Ceremonia do të mbahet me rastin e ditëlindjes dhe rënies heroike të tyre, duke përfshirë homazhe dhe aktivitete përkujtimore që synojnë të nderojnë sakrificën dhe kontributin e tyre për lirinë e Kosovës.
Kryetari Rama theksoi se Prishtina mbetet qyteti që ruan dhe nderon kujtesën historike të atyre që u flijuan për lirinë dhe shtetin, duke vlerësuar se figurat e Fehmi dhe Xhevë Lladrovcit përfaqësojnë shembull të qëndresës dhe atdhedashurisë.
Nën patronatin e Kryeqytetit, aktiviteti pritet të mbledhë përfaqësues institucionalë, familjarë të heronjve, si dhe qytetarë që do t’i bashkohen nderimit për dy figurat e pavdekshme të historisë së Kosovës.
Ja postimi plotë:
Mikun tim, Ramizin, e njoftova se më 28 maj nën patronatin e Kryeqytetit, do të organizohet ceremonia përkujtimore me rastin e ditëlindjes dhe rënies heroike të Fehmi dhe Xhevë Lladrovci.
Prishtina do të mbetet gjithmonë qyteti ku nderohen me krenari ata që rezistuan, luftuan dhe u flijuan për lirinë dhe shtetin që sot e kemi. 🇽🇰 🇦🇱
Nën patronatin e Kryeqytetit, më 28 maj do të përkujtojmë me dinjitet dy figura të pavdekshme të kombit shqiptar Fehmiun dhe Xhevën.
