Përfaqësuesit e Organizatës Evropiane për Siguri dhe Bashkëpunim të udhëhequr nga shefi i Departamentit për Zhvillimin e Policisë në Misionin e OSBE-së në Shkup, Mark Dixon, vizituan Departamentin e Punëve të Brendshme në Tetovë informon Tetovasot. Në kuadër të kësaj vizite, ata patën një takim me shefin , Amir Dalipi, me të cilin patën një bisedë mjaft konstruktive.
Z. Dixon shprehu vlerësimin dhe kënaqësinë e lartë për bashkëpunimin e OSBE-së me SPB Tetovë, të realizuar përmes disa projekteve të përbashkëta, kryesisht parandaluese-edukative, por edhe të tjera.Kënaqësi për bashkëpunimin në takim ndau edhe shefi Dalipi, me pritshmëri personale se do të vazhdojë në mënyrë të dyanshme edhe në periudhën e ardhshme.Bashkëpunimi, u konkludua, do të kontribuojë në modernizimin e përgjithshëm dhe përmirësimin e funksionimit të përditshëm profesional të SPB Tetovë, para së gjithash në nivel parandalues.
