Indonezianët kanë nisur festimet për Ditën e tyre të Pavarësisë që do të jetë më 17 gusht.
Një flamur 100 metra i gjatë u shfaq në Bogor, në provincën Perëndimore të Java, ku morën pjesë ushtarakë, civilë e qytetarë që përkujtojnë ditën e tyre më të rëndësishme.
Përgjatë gjithë javës deri në ditën e pavarësisë në qytete e fshatra mbahen parada të tilla të gjalla, procesione ushtarake dhe shumë ceremoni të flamujve patriotikë. Shkollat fillojnë javët e trajnimit me praktikën marshuese, ndërsa të gjitha rrugët kryesore janë të bllokuara. Shitje dhe festime të veçanta ka gjithashtu në qendrat tregtare. Tregjet bëhen edhe më kaotike sesa zakonisht.
Një nga pjesët më zbavitëse të Ditës së Pavarësisë së Indonezisë është respektimi i një tradite që nisi gjatë periudhave koloniale të njohura si panjat pinang.
Loja e çuditshme përbëhet nga shtylla të rënda, zakonisht pemë arre të ngritura në sheshet kryesore të qyteteve dhe fshatrave. Në majat e pemëve ka dhurata e çmime të ndryshme, sigurisht për atë që arrin ta prekë majën.
Kombi aziatik do të festojë këtë vit 78-vjetorin e pavarësisë së tij nga sundimi kolonial i Holandës.
Në vitin 1945, Indonezia shpalli pavarësinë e saj nga sundimi kolonial holandez, ndërsa Holanda e pranoi de facto një gjë të tillë në vitin 2005.
Top Channel
