Në kuadër të aktiviteteve të Ramazanit, Organizata Humanitare “El Hilal” vazhdon të jetë pranë familjeve në nevojë që gjenden në listat e saj për ndihmë.
Pas shpalljes së aksionit për solidaritet, në gjysmën e parë të Ramazanit u siguruan dhe u shpërndanë ndihma për mbi 300 familje, në shtëpitë e të cilave, falë angazhimit të El Hilalit dhe donatorëve shpirtmirë, po përjetohet gëzimi dhe aroma e këtij muaji të shenjtë.
Përveç selisë qendrore, e cila ka siguruar 50 pako ushqimore, ndihmat janë siguruar edhe nga degët e organizatës:
Dega Çair – Shkup: 60 pako
Dega Tetovë: 70 pako dhe 30 vauçerë nga 2000 denarë
Dega Saraj: 50 pako
Dega Gazibabë: 30 pako
Dega Gostivar: ndihma për 10 familje
Intensiteti i aktiviteteve nuk do të ndalet as në pjesën e dytë të Ramazanit, kur pritet që kontributet humanitare të dyfishohen.
