Njihuni me arbitrin që do të vendosë drejtësi në BATE Borisov – Partizani
UEFA ka përzgjedhur një katërshe skoceze për të gjykuar takimin e sotëm mes BATE Borisov-Partizani.
Kryesori do të jetë Kevin Klanci, i cili ka një eksperiencë të madhe në Skoci, por ka gjykuar edhe në Europë. Skocezi arbitron që nga viti 2000 dhe gjatë karrierës së tij ka gjykuar edhe në fazën e grupeve të Champions-it. Në 2019-ën, Klanci ka gjykuar Bajernin dhe Barcelonën ndaj Cërvena Zvezdës.
Sezonin e kaluar 39-vjeçari gjykoi në fazën e grupeve të Ligës së Konferencës, teksa në startin e sezonit arbitroi Shkëndijën në një fitore 3-1 ndaj Valmierës.
Fakti që është skocez, paralajmëron një lojë të ashpër ditën e sotme, pasi në kampionatin skocez nuk janë mësuar të fërshëllejnë shpesh për faullet.