Myftinia e Tetovës pati kënaqësinë të mirëpresë në vizitë gazetarin dhe bashkëpunëtorin Vullnet Dauti, mik dhe përkrahës i aktiviteteve të Myftinisë.
Gjatë takimit me Myftiun Dr. Selver Xhemaili dhe shefin e kabinetit, Ef. Muhamed Berzati, u bisedua për aktivitetet dhe organizimet e realizuara gjatë këtij viti, me theks të veçantë në manifestimet e muajit të Ramazanit dhe aktivitetet pas Ramazanit, të cilat kanë kontribuar në ruajtjen e frymës islame në qytet.
Në takim u diskutua gjithashtu edhe për përgatitjet e fundit për organizimin e Haxhit të sivjetshëm, proces që po zhvillohet me përkushtim dhe nivel të lartë organizativ.