Në Tetovë, në ambientet e Xhamia e Sahatit, u përmbyllën me sukses faljet e teravive me hatme, duke shënuar një nga momentet më të veçanta shpirtërore të muajit të bekuar të Ramazani.
Ceremonia e duanë së hatmes u zhvillua në praninë e Myftiut të Tetovës, Dr. Selver ef. Xhemaili, i cili udhëhoqi edhe lutjen përfundimtare, i shoqëruar nga përfaqësues të Myftinisë së BFI-së Tetovë.
Me këtë rast, Myftiu Dr. Selver ef. Xhemaili përgëzoi hafizin e njohur Hfz. Havzi Ramadani për përkushtimin dhe angazhimin e tij gjatë gjithë muajit, si dhe falënderoi besimtarët për pjesëmarrjen dhe atmosferën e gjallë shpirtërore që i dhanë xhamisë.
Në fjalën e tij, ai u lut që Allahu t’ua ketë pranuar ibadetet të gjithë besimtarëve, duke u dëshiruar paqe, begati dhe mirësi në familjet e tyre.
Ky aktivitet përmbyll një cikël të rëndësishëm fetar dhe përbën një nga ngjarjet më domethënëse në kuadër të programit vjetor të Myftinisë së Tetovës.
