Delegacioni i BFI- i udhëhequr nga Reisul Ulema h.hfz. Shaqir ef. Fetai, Myftiu i Tetovës dr. Selver Xhemaili dhe drejtori për diasporë Mafiz ef. Rustemi mori pjesë në organizimin fetar të organizuar nga Xhamia Shqiptare në Cyrih, një ngjarje me rëndësi të veçantë për komunitetin mysliman shqiptar në Zvicër.
Ky organizim u karakterizua nga një pjesëmarrje e gjerë e besimtarëve dhe nga një atmosferë e thellë shpirtërore e solidariteti.
Gjatë këtij aktiviteti fetar dhe solidar të moderuar nga imami i Wilit Bekim ef. Alimi u arrit të tubohen gjithsej 870.000 franga zvicerane, mjete këto që do të shërbejnë për zgjerimin e vakfit të Xhamisë Shqiptare në Cyrih, duke krijuar kushte më të mira për ushtrimin e aktiviteteve fetare, edukative dhe kombëtare.
Ky organizim dëshmoi edhe një herë unitetin, bujarinë dhe përkushtimin e shoqërisë shqiptare në Zvicër për zhvillimin e jetës fetare dhe forcimin e institucioneve islame.
Falenderojmë për mikëpritjen imamin hfz. Nebi ef. Rexhepi si dhe kryesinë e xhamisë të udhëhequr nga h. Ismail Ademi.
