Realizimi i ndihmave për jetimat në Tetovë dhe rrethinë
Myftinia e Tetovës, në bashkëpunim me Bashkësinë Fetare Islame në Republikën e Maqedonisë së Veriut dhe Drejtorinë e Përgjithshme të Vakëfeve në Turqi (T.C. Vakıflar Genel Müdürlüğü), realizoi me sukses një aktivitet në shërbim të jetimëve të Tetovës me rrethinë.
Në kuadër të kësaj nisme, 27 jetimë së bashku me familjarët e tyre u dërguan në Shkup, ku patën mundësinë të zgjedhin vetë veshmbathjet sipas dëshirës dhe nevojave të tyre. Qëllimi i kësaj iniciative ishte që fëmijëve t’u ofrohet jo vetëm ndihmë materiale, por edhe gëzim dhe përkujdesje e drejtpërdrejtë.
Ky aktivitet është dëshmi e përkushtimit tonë të vazhdueshëm për përkrahjen e kategorive në nevojë dhe forcimin e solidaritetit në shoqërinë tonë. Falënderojmë të gjithë kontribuuesit dhe bashkëpunëtorët që bënë të mundur realizimin e kësaj vepre bamirëse. Kujdesi për jetimët është përgjegjësi fetare, morale dhe shoqërore e të gjithëve neve.
