Në nderim të Betejës së Bedrit, një prej ngjarjeve më domethënëse në historinë islame që simbolizon sakrificën, besimin dhe solidaritetin, Myftinia e Tetovës ka realizuar një aksion humanitar në ndihmë të familjeve në nevojë.
Përmes Sektorit të Humanizmit, Myftinia e BFI Tetovë ka shpërndarë sasi të konsiderueshme mielli për familjet që përballen me vështirësi ekonomike, duke e kthyer përkujtimin e Bedrit në një akt konkret solidariteti dhe përkujdesjeje shoqërore.
Ky aksion u mundësua falë bujarisë së donatorëve tanë:
Mulliri “Kokrra e Artë” (fsh. Poroj) – 500 kg miell.
Një mjek nga Reçica e Madhe – 1,135 kg miell.
Mulliri “Bereqeti” (fsh. Dobrosht) – 400 kg miell.
Myftinia e Tetovës shpreh mirënjohje të thellë për të gjithë donatorët dhe bamirësit. Ndihma ndaj të varfërve dhe nevojtarëve mbetet një nga vlerat më të larta të traditës sonë islame.
Aksioni u realizua nën koordinimin e referentit për humanizëm, Nuhi ef. Ganija dhe shefit të kabinetit të Myftiut, Muhamed ef. Berzati.
