A e keni ftuar Noizyn në eventin për shënimin e Marrëveshjes së Ohrit?
“Jo. Atë ia kemi lënë rinisë. Mund ta bëjnë forumet rinore, mund ta bëjnë institucionet kulturore, por jo zv.kryeministri. Zv.kryeministri ka detyrë ta riinstitucionalizon Marrëveshjen e Ohrit. Do të fillojmë me një debat rreth implementimit të Marrëveshjes së Ohrit, rreth frymës së Marrëveshjes së Ohrit. Theksi do të vendoset tek decentralizimi sepse një prej shtyllave kryesore të Marrëveshjes së Ohrit ka qenë decentralizimi. Pas 20 viteve të kësaj ganiture, Maqedoninë e gjeni si shtetin më të centralizuar, pas Qipros. Ideja e Marrëveshjes së Ohrit ka qenë që të fuqizohen komunat shqiptare që shqiptarët ta gjejnë veten brenda komunave dhe 90% të kërkesave t’i realizojnë brenda komunave që sa më pak të jenë të varur nga garniturat qeveritare apo nga ekzekutivi”, tha Mexhiti për gazetën LAJM.
