Me rastin e shënimit të 26-vjetorit të Epopesë së Ushtrisë Çlirimtare të Kosovës, sot do të bëhen homazhe në kompleksin memorial “Adem Jashari” në Prekaz.
Në kuadër të aktiviteteve shtetërore homazhe do të bëjnë edhe krerët e shtetit, presidentja Vjosa Osmani, kryetari i Kuvendit Glauk Konjufca dhe kryeministri Albin Kurti.
Gjithashtu Komuna e Skenderajt organizon homazhe në nderim të Epopesë së UÇK-së.
Me rastin e shënimit të Epopesë së UÇK-së, të martën kuadratet e Forcës së Sigurisë së Kosovës janë rreshtuar në Kazermën “Adem Jashari” në Prishtinë.
Ndërkohë që Kuvendi i Kosovës ka mbajtur një seancë solemne.
