Zëvendës kryeministri i parë Artan Grubi sot ka marrë pjesë në mbledhjen e rregullt të të gjithë ambasadorëve të vendeve anëtare të Bashkimit Europian.
Integrimi në Bashkimin Europian nuk ka alternativë tjetër andaj dhe ftoj të gjithë shoqërinë, partitë politike, mediat, shoqërinë civile, opinionbërësit që të bëhen pjesë e frontit europian, ka shkruar mes tjerash Grubi pas takimit.
I ftuar nga misioni i Bashkimit Europian në Maqedoninë e Veriut dhe ambasadori David Geer, sot mora pjesë në mbledhjen e rregullt të të gjithë ambasadorëve të vendeve anëtare të Bashkimit Europian.
Sfidat e integrimit europian të vendit tone, si domosdoshmëria e miratimit të ndryshimeve kushtetuese, realizimi i reformave, sundimi i ligjit, kohezioni shoqëror dhe përkrahja e vendeve të Bashkimit Europian për rrumbullakësimin e këtyre proceseve të rëndësishme ishin temat e sotme të diskutimit.
Integrimi në Bashkimin Europian nuk ka alternativë tjetër andaj dhe ftoj të gjithë shoqërinë, partitë politike, mediat, shoqërinë civile, opinionbërësit që të bëhen pjesë e frontit europian.