Rey Manaj është ende në kërkim të një skuadre deri në fund të këtij sezoni. Sulmuesi shqiptar përfundon në listën e Real Saragozas. Pape Gueye është duke shfaqur një formë të dobët, ndërsa Ivan Azon dhe Victor Mollejo kanë rënë pre shpesh e dëmtimeve. Për këtë aryse klubi spanjoll është vënë në kërkim të një sulmuesi të ri.
Në majë të listës së dëshirave qëndron Alvaro Gimenez, i cili momentalisht është një lojtar i lirë, ndërsa një alternativë është edhe Rey Manaj. Ky i fundit ka ndërprerë kontratën me Watford-in pak javë më parë, por ka pësuar një lëndim që do e mbajë jashtë fushave deri në muajin mars.
