Sfida me Bayern Munich do të jetë një ndeshje që do të vendoset nga detajet e vogla, ka thënë Lionel Messi.
Ndeshja e dytë e Paris Saint-Germain me kampionin gjerman zhvillohet të mërkurën në “Allianz Arena”. Ndeshjen e parë e kanë fituar “bavarezët” me rezultat minimal 1-0.
“Do të jetë një ndeshje që do të vendoset nga detajet e vogla. Është shumë e vështirë të fitosh në Munich, por mendoj se jemi të përgatitur mirë. Jemi në gjendje ta kthejmë situatën. Ndihem shumë mirë. Unë mendoj se skuadra ka ndryshuar në ndeshjet e fundit. Ne kemi një fytyrë tjetër dhe një shpresë të madhe për të vazhduar rrugëtimin tonë në Ligën e Kampionëve”, ka thënë ai.
“Ne do të bëjmë gjithçka që mundemi që të përpiqemi të kthejmë situatën kundër Bayernit dhe të kalojmë raundin, që është qëllimi i të gjithëve”, pohoi argjentinasi Messi.