Një pjesë e udhëheqësisë së Lëvizjes ZNAM – Për Maqedoninë Tonë e udhëhequr nga kryetari i partisë, Maksim Dimitrievski, mbrëmë realizoi takim me anëtarët dhe simpatizantët e BK të ZNAM-it -Kumanovë, si pjesë e fushatës “Së bashku dimë më shumë”, në përgatitje për zgjedhjet lokale.
Nga Lëvizja ZNAM njoftuan se qëllimi i udhëheqësisë së partisë është direkt të njihet me problemet e qytetarëve dhe të dëgjohen propozimet, sugjerimet dhe mendimet e tyre, të cilat do të shërbejnë në krijimin e programit për zgjedhjet e ardhshme lokale.
Lëvizja ZNAM – Për Maqedoninë tonë i ndërton politikat e saj në mënyrë transparente, demokratike dhe në bashkëpunim me qytetarët. Në programin e Lëvizjes ZNAM – Për Maqedoninë tonë për zgjedhjet lokale fokusi kryesor do të jetë në zgjidhjet për jetë më të mirë lokale – plane urbanistike, projekte infrastrukturore dhe menaxhim transparent të buxheteve komunale, njofton partia.
Nga udhëheqësia partiake, përveç Dimitrievskit morën pjesë edhe sekretari organizativ Sasho Petrushevski, deputetët Daniell Stojçevski, Daniella Belimova dhe Mile Cekov, anëtarët e KZ Katerina Todorovska, Jasmin Ciriviri dhe Ivana Gjorgjievska.
