Kryetari i LPK SHVL – UÇK Kombëtare, Fazli Veliu, kërkon vëmendje të shtuar ndaj situatës së krijuar gjatë protestave në Tiranë, si dhe nisjen e një dialogu të drejtpërdrejtë me organizatorët e protestave, me qëllim uljen e tensioneve dhe shmangien e përshkallëzimit të mëtejshëm.
Në qëndrimin e tij, Veliu thekson rëndësinë e komunikimit institucional dhe të trajtimit me përgjegjësi të situatave të tensionuara, duke kërkuar që zëri i protestuesve të dëgjohet dhe që ndërhyrjet e Policisë së Shtetit të jenë proporcionale, të paanshme dhe në përputhje me ligjin.
Sipas qëndrimit të Kryesisë së LPK SHVL – UÇK Kombëtare, dialogu me organizatorët dhe vlerësimi objektiv i zhvillimeve janë hapa të nevojshëm për të parandaluar përshkallëzimin e situatës dhe për të garantuar respektimin e të drejtave dhe lirive qytetare.
LPK SHVL – UÇK Kombëtare u bën thirrje institucioneve përgjegjëse që t’i trajtojnë zhvillimet me maturi, transparencë dhe përgjegjësi, duke i dhënë përparësi dialogut dhe zgjidhjeve paqësore.
Kryesia e LPK SHVL – UÇK Kombëtare
Fazli Veliu, kryetar
