Në nder të 112 vjetorit të Kryengritjes së Malësisë 1911, në IP QKI ,,Malësia” në Tuz, Komuna e Tuzit organizoi programin artistik-historik.
Të pranishmëve u drejtua nënkryetari i Komunës së Tuzit, Ivan Ivanaj, me një fjalim të shkurtër, kurse mbi rëndësinë e saj foli prof. dr. Romeo Gurakuqi në temën ,,Kryengritja e Malësisë së Madhe,1911 dhe 1912 – paraprijëse e pavarësisë së Shqipërisë”.
Merita Lucaj interpretoi vargje të shkruara nga vet ajo, dedikuar Ded’ Gjon Lulit, ndërsa për të gjithë të pranishmit, artistët e mirëmjohur Kastriot Tusha dhe Nikollë Nikprelaj, interpretuan disa këngë nga repertoari i tyre.
Në fund për të gjithë të pranishmit u shtrua një koktej modest.