Nënkryetari i Bdi-së, njëherit shef i shtabit politik në Tetovë, Bajram Rexhepi mbrëmë ka mar pjesë në komcertin tradicional të Shoqërisë Kulturore Artistike ” Jehona e Malësisë” në Tetovë.
“Kultura është zemra e identitetit të një kombi, prandaj është e domosdoshme një mbështetje më e fortë institucionale për ta mbrojtur dhe promovuar atë me dinjitet”- ka shkruar Rexhepi.
Ja postimi plotë:
Mbrëmë pata kënaqësinë të marr pjesë në koncertin tradicional të Shoqërisë Kulturore Artistike „Jehona e Malësisë” – Tetovë.
Një mbrëmje e pasur me valle artistike të përpunuara me mjeshtëri nga të gjitha trevat shqiptare, këngë lirike dhe epike që prekën shpirtin, të shoqëruara nga orkestra profesionale e kësaj shoqërie.
Shpreh mirënjohje të veçantë për kryetaren e kësaj shoqërie Liveta Arsllani, për organizimin e shkëlqyer dhe përkushtimin e saj në ruajtjen e vlerave tona kulturore.
Kultura është zemra e identitetit të një kombi, prandaj është e domosdoshme një mbështetje më e fortë institucionale për ta mbrojtur dhe promovuar atë me dinjitet.
