Kryetari Isen Shabani ka shpallur sonte zyrtarisht kandidaturën për mandatin e tretë si kryetar i Komunës së Vrapçishtit.
Me këtë hap, ai synon të vazhdojë drejtimin e komunës edhe për katër vite të tjera, duke u bazuar në punën dhe rezultatet e arritura gjatë dy mandateve të kaluara.
Në shpalljn e kandidaturës së Shabanit, mori pjesë edhe kryetari i ASH- së, Arben Taravari. Ai tha se Shabani e meriton edhe një mandat për shkak të sukseseve që ka treguar në menaxhimin e komunës.
Në fjalimin e tij para të pranishmëve, Shabani theksoi se motivimi i tij kryesor mbetet përkushtimi i sinqertë ndaj qytetarëve, investimet në infrastrukturë, arsim dhe zhvillim rural. Ai shtoi se besimi që qytetarët i kanë dhënë në dy ciklet e mëparshme, është përgjegjësi që e obligon të vazhdojë me projekte edhe më ambicioze në të ardhmen.
Promovimin e kandidaturës për kryetar të Komunës së Vrapçishtit, Shabani e bëri te Pallati i Kulturës në Negotinë ku nën moton “Ejani ta ndajmë së bashku vizionin për një të ardhme më të mirë!”, të ftuar kanë qenë të gjithë qytetarët.
