Kandidati i Aleancës Kombëtare për Integrim (AKI) për Komunën e Vrapçishtit, Isen Shabani, së bashku me ekipin e tij, zhvilloi sot një vizitë pune në Dobërdoll, ku nga afër u inspektua terreni në të cilin shumë shpejt do të nisë realizimi i projektit për ndërtimin e rrugës “Brahim Aga”.
Ky projekt paraqet një investim me rëndësi të madhe për banorët lokalë, pasi do të lehtësojë qarkullimin, do të rrisë sigurinë rrugore dhe do të mundësojë zhvillim më të mirë ekonomik e social në këtë zonë.
Gjatë vizitës, Isen Shabani bashkë me ekipin e tij dëgjuan nga afër kërkesat, nevojat dhe prioritetet e banorëve të Dobërdollit, duke theksuar se komunikimi i drejtpërdrejtë me qytetarët është thelbësor për zhvillimin e drejtë të komunës.
“Çdo investim që bëjmë ka një qëllim të qartë: të përmirësojmë jetën e qytetarëve tanë. Rruga ‘Brahim Aga’ është vetëm një ndër projektet që planifikojmë të realizojmë në këtë mandat. Investimet do të jenë të balancuara dhe të shpërndara në çdo fshat e lagje të Komunës së Vrapçishtit,” deklaroi Shabani.
Ky projekt është pjesë e programit zhvillimor të Aleancës Kombëtare për Integrim, me fokus në modernizimin e infrastrukturës lokale dhe krijimin e kushteve më të mira për jetesë në të gjitha vendbanimet e komunës.
#BashkëPërVrapçishtin ✅
#IsenShabani
#Dobërdoll
#AKI
#Infrastruktura
