Sonte në fshatin Gradec u bë hapja solemne e shtabit lokal të Aleancës Kombëtare për Integrim (AKI), ku të pranishëm ishin shumë qytetarë, përkrahës dhe aktivistë të koalicionit nga fshati Gradec.
Ngjarja u zhvillua në një atmosferë festive dhe mobilizuese, duke shënuar fillimin e një fushate të rëndësishme për zgjedhjet lokale që po afrohen.
Në hapjen e shtabit mori pjesë kryetari aktual i Komunës së Vrapçishtit, Isen Shabani, i cili njëkohësisht është edhe kandidat i koalicionit AKI për mandatin e ardhshëm.
Në fjalimin e tij, Shabani falënderoi qytetarët e Gradecit për përkrahjen e vazhdueshme dhe theksoi se AKI është forca politike që ofron stabilitet, zhvillim dhe perspektivë të qartë për komunën.
Në këtë ngjarje foli edhe bartësi i listës për këshilltar, Evzal Arsllani, i cili theksoi rëndësinë e unitetit dhe angazhimit të secilit aktivist në fitoren e ardhshme të AKI-së.
Ai u bëri thirrje qytetarëve të Gradecit që të qëndrojnë të bashkuar dhe të japin mbështetje të fuqishme në ditën e zgjedhjeve, për të siguruar vazhdimësi në qeverisjen lokale.
Hapja e shtabit në Gradec është pjesë e aktiviteteve të shumta të Aleancës Kombëtare për Integrim nëpër komunat dhe vendbanimet shqiptare, duke shpalosur programin dhe prioritetet e saj për zhvillimin e qëndrueshëm lokal.
Pjesëmarrësit në këtë aktivitet shprehën bindjen e tyre se AKI me kandidatin Isen Shabani do të sjellë fitore të re dhe do të vazhdojë me realizimin e projekteve të rëndësishme për komunën e Vrapçishtit.
