Është pothuajse e pamundur të dihet saktësisht se sa trupa po vriten ose plagosen në Ukrainë.
Kievi nuk publikon shifra zyrtare dhe besohet gjerësisht se Rusia i nënvlerëson dukshëm shifrat e saj.
Por nëse besohet inteligjenca amerikane, numri i viktimave mund t’i afrohet një “numri të madh”, shkruajnë mediat e huaja, përcjell Telegrafi.
Zyrtarët amerikanë i kanë thënë New York Times se ata vlerësojnë se rreth 500,000 trupa ukrainase ose ruse janë vrarë ose plagosur në 18 muajt e parë të luftës.
Dhe numri i viktimave ruse besohet të jetë shumë më i madh se ato të Ukrainës.
Zyrtarët thanë se “viktimat” e Rusisë po i afrohen numrit 300,000, duke përfshirë rreth 120,000 vdekje.
Kremlini pohon në numërimin e tij zyrtar se vetëm 6000 rusë janë vrarë.Nga ana tjetër, Ukraina është afër 200 mijë “viktimave”. Kjo përbëhet nga 70,000 vdekje dhe deri në 120,000 të plagosur.
Megjithatë, këto shifra vijnë me paralajmërimin se Kievi po humbet një pjesë më të madhe të forcave të tij.
Top Channel