Zëvendëskryeministri i parë, Artan Grubi ka uruar të gjithë bashkëqytetarët e komunitetit vlleh në ditën kombëtare të tyre.
Në videomesazhin e tij, Grubi përgëzon qytetarët vlleh për kontributin e vazhdueshëm të tyre në proceset progressive të vendit, teksa shton se gjithmonë duke ndërtuar respekt reciprok ndërtojmë të ardhmen e përbashkët europiane.
Statusi i plotë:
Të nderuar bashkëqytetarë të komunitetit vlleh,
Me rastin e ditës suaj kombëtare, ju uroj shumë shëndet, mbarësi dhe suksese në realizimin e aspiratave tuaja progresive. Dita e sotme është përkujtim dhe shprehje e mirënjohjes ndaj kontributit tuaj krucial në konsolidimin demokratik dhe zhvillimin e vendit tonë mbi vlerat e paqes dhe barazisë. Ashtu siç deri më tani bashkë kemi kontribuar për të tashmen progresive, bashkë le të qëndrojmë duke respektuar gjuhën dhe kulturën e njëri – tjetrit për të ndërtuar të ardhmen europiane. Gëzuar 23 majin, ditën kombëtare të Vllehëve!
