Gjykata e Lartë nuk pranoi rekursin e paraqitur përmes avokatit dhe familjarëve të Ervis Martinajt duke lënë në fuqi vendimin për sekuestron e pronave. Në muajin Shkurt, Gjykata e Posaçme vendosi në sekuestro 34 pasuri të Ervis Martinajt dhe familjarëve të tij. Pronat që llogariten me vlerë rreth 10 milionë euro u sekuestruan me kërkesë të SPAK dhe miratim të GJKKO-së dhe Apelit të Posaçëm.
Familjarët e Martinajt iu drejtuan gjykatës me një rekurs ku kërkonin heqjen e sekuestros me pretendimin se pasuritë janë krijuar me burime të ligjshme.
Bëhet fjalë për prona, sipërfaqe trualli, llogari bankare, automjete dhe aksione kompanish të ndryshme.
