Me rastin e përurimot të shtatores së gjeneral Tahir Sinanit në qytetin Bajram Curr, kryetari i BDI-së në Tetovë, Faton Ahmeti, ka bërë një shkrim, duke theksuar se “ëndrra e të rënëve për liri duhet të jetojnë përgjithmonë në mendjen tonë”.
Postimi i plotë i Faton Ahmetit:
Sot, në Malësinë e Gjakovës, në qytetin e Bajram Currit u rikthye gjenerali Tahir Sinani, në bronz dhe me plotë lavdi.
Gjeneral Tahir Sinani, komandant i Brigadës 116 të Ushtrisë Çlirimtare Kombëtare, luftëtar i të gjitha luftërave, nip i Mic Sokolit e bashkëvendas i Bajram Currit, Haxhi Zekës e shumë figurave të ndritura të kombit tonë, u rikthye në statujë të bronzit në vendlindjen e tij, në Tropojën e lavdishme të shumë ngjarjeve historike.
Ashtu siç e tha kryetari ynë, njëherit bashkëluftëtar i Tahir Sinanit dhe organizator i ngjarjes së sotme, z. Ali Ahmeti, se Tahir Sinani dhe të gjithë heronjtë sot do të ishin krenarë për të arriturat e shqiptarëve në Maqedoni të Veriut dhe më gjërë.
Ëndrra e të rënëve për liri duhet të jetojnë përgjithmonë në mendjen tonë, që të udhëhiqemi nga ato ëndrra fisnike dhe të punojmë ditë e natë për t’i jetësuar ato.
LAVDI🇦🇱
