Kryetari i degës së BDI-së në Tetovë, njëherësh sekretar i përgjithshëm i BDI-së, Faton Ahmeti ka theksuar se pas pronës publike, Bilall Kasami uzurpon edhe atë intelektuale.
“Kasami ka përdorur pa të drejtë veprat e Ismail Kadaresë dhe duke shkelur të drejtat e Shtëpisë Botuese “Onufri”,” ka shkruar Ahmeti.
Postimi i tij:
Bilall Kasami nuk u mjaftua me keqpërdorimin e pronës publike të Tetovarëve, por tani ka vënë dorë edhe mbi pronën intelektuale – duke përdorur pa të drejtë veprat e Ismail Kadaresë dhe duke shkelur të drejtat e Shtëpisë Botuese “Onufri”.
Ky abuzim i pafytyrë nuk mbulohet dot as me tituj nderi – se të shpallësh Kadarenë “Qytetar Nderi” nuk të jep licencë për vjedhje kulturore, njësoj siç nuk të jep të drejtë për të abuzuar me pasuritë e qytetarëve të Tetovës.
Ky është mentalitet uzurpatori, jo i një kryetari të denjë!
