Kandidaturën për Degën e BDI-së në Kumanovë, sot e ka shpallur edhe ish-ushtari i UÇK-së, stomatologu i njohur kumanovarë, Dr.Ridvan Asani.
Asani përmes profilit të tij në fejsbuk ka njoftuar opinion se ditët në vijim do ta dorëzoj edhe formalisht kandidaturën e tij për Degën e Kumanovës, tek komisioni zgjedhor partiak.
Ridvan Asani është nga fshati Çerkez i Kumanovës. Ka udhëhequr me sukses për vite me radhë me Fondin Shëndetësor në Kumanovë.
Përveç kësaj, Asani është edhe specialist i stomatologjisë, të cilin profesion e ushtron për vite me radhë dhe në qytet njihet si një stomatolog i dëshmuar e profesionist.
Gjithashtu, Ridvan Asani ka qenë edhe Këshilltar komunal i BDI-së në komunën e Kumanovës në mandatin 2013-2017, njëherit edhe koordinator i këshiltarëve të BDI-së.
Asani ditët ne vijim pritet të prezantojë edhe programin e tij për funksionimin e Degës së Kumanovës në të ardhmen.
Kujtojmë se Ridvan Asani qysh në moshën e rinisë ka qenë edhe pjesë e Ushtrisë Çlirimtare Kombëtare në rajonin e Likovës.