Një 39-vjeçar, me inicialet M.B. ka vdekur pasi në hyrje të Gjykatës Themelore në Podgoricë aktivizoi një bombë dore,
Sipas informacioneve, në këtë shpërthim që ka ndodhur rreth orës 11:45, janë plagosur pesë persona, nga të cilët njëri rëndë, ka mësuar jozyrtarisht “Vijesti”.
“Në ora 11:35 kemi marrë njoftim se në objektin e Gjykatës Themelore është aktivizuar një mjet shpërthyes dhe se ka persona të lënduar. Konstatuam se ka mbetur i vrarë MB (39) i cili ka aktivizuar mjetin shpërthyes. Kemi edhe pesë të lënduar, të cilët janë përkujdesur në Qendrën Klinike”, tha Srda Koraq nga Policia Kriminale.
Ngjarja është në zhvillim dhe policia e ndihma e shpejtë kanë dalë në vend të ngjarjes.
