Deputeti i BDI-së, Blerim Bexheti, ka theksuar se më në fund, Izet Mexhi duhet ta ketë kuptuar se synimet e pushtetit të Mickoskit, nuk e ka qëllim ndryshimin e tri neneve, por, të ligjit në tërësi për përdorimin zyrtarë të gjuhës shqipe.
Z. Bexheti ka shkruar se që të jetë edhe më “kthjelluese” për të, tani deklaron që, pjesëmarrja e gjykatësve shqiptarë ju jep LEGJITIMITET vendimeve të kësaj Gjykate.
Postimi i plotë i z. Bexheti:
A e kuptoj më në fund Izet Mexhiti se nuk bëhet fjalë për TRE NENE por për Ligjin për përdorimin zyrtar të Gjuhës Shqipe në TËRËSI?!
A e “kthjelli” rendi i ditës i Gjykatës Kushtetuese për mbledhjen e caktuar për me 11 dhjetor në ora 09:30, se kontestohen më shumë se TRE NENE dhe sot na “uron që gjykata kushtetuese të jetë në vijë të marrëdhënieve ndëretnike”!
Që të jetë edhe më “kthjelluese” për të, tani deklaron që, pjesëmarrja e gjykatësve shqiptarë ju jep LEGJITIMITET vendimeve të kësaj Gjykate !