Bashkësia Fetare Islame në RMV dhe botuesi, Reisul Ulema H. Hfz. Shaqir Ef. Fetai, nxorrën në dritë tre botime të reja në gjuhën shqipe.
-Lulnaja e haditheve-komentim i përmbledhësit të vogël të haditheve të përgëzuesit, paralajmëruesit- Pjesa 3, e autorit, Prof. dr. Faredin Ebibi, profesor i lëndës së hadithit në Fakultetin e shkencave islame në Shkup, i cili në mënyrë të mrekullueshme komenton 572 hadithe. Kjo vepër do t’ju shërbejë, studentëve, studiuesve dhe gjithë lexuesve në përgjithësi.
– Hoxhë Ataulla Ef. Kurtishi dhe Medreseja Medah, e autores, Shengjile Sadiki. Në këtë vepër autorja me punën e saj hulumtuese dhe shkencore me vështrim kritik u është nënshtruar fakteve dhe ngjarjeve të kohës dhe ka vënë në pah kujtesën për personalitetin dhe veprën e hoxhës dhe predikueit të madh të trevave tona, Hoxhë Ataulla Ef. Kurtishi dhe vlerën dhe rëndësinë e Medresesë Medah.
-Freski poetike Manastiri, e autorit, Veton Izeiri. Autori Veton Izeiri nga Manastiri në këtë libër na sjell 40 poezi të mrekullueshme me tematikë islame.
