Kryetari i degës së BDI-së në Tetovë, Bajram Rexhepi, ka reaguar ndaj zhvillimeve të fundit në koalicionin VLEN, duke kritikuar emërimin e dy kryetarëve të partisë.
“A ka turp më të madh kur një subjekt politik nuk mund të zgjedh lider partiak, por emëron dy kryetarë partie? Këtë e bën sot dega e VMRO-së – VLENI, edhe me këtë lavdërohen!”, ka shkruar Rexhepi.
Ai ka akuzuar VLEN-in se po vepron nën ndikimin e VMRO-DPMNE-së, ndërsa ka vënë në pikëpyetje mënyrën e organizimit dhe funksionimit të këtij subjekti politik.
