Enver Robelli ka komentuar pjesëmarrjen e Arabisë saudite në Miss Universe.
Ai tha se Arabia Saudite pa shamia duke treguar për vajzën që do ta pëfaqësoj këtë vend e cila nuk bart shami dhe ka rreth 1 milion ndjekës në Instagram.
Robelli tha se ka reforma në këtë vend me inicativën e Princit të Kurorës, Mohamed Bin Salman që siç tha, po e dnryshon Arabinë Saudite me hapa të shpejt.
Ai ka përmendur disa nga avantazhet që kanë pasur.
Shkrimi i plotë i Enver Robellit:
Për herë të parë Arabia Saudite do të dërgojë sivjet përfaqësuesen e saj në Miss Universe, pra në garën botërore për më të bukurën e globit. Ajo quhet Rumy Alqahtani, është 27-vjeçare, nuk bart shami, ka rreth 1 milion ndjekës në Instagram. Reformat në Arabinë Saudite, të shtyra nga Princi i Kurorës, Mohamed Bin Salman, po e ndryshojnë Arabinë Saudite me hapa të shpejtë. Grave u është lejuar të drejtojnë automjetin, është hequr tutoria e burrave ndaj grave, ato mund të jetojnë vetëm (po deshën), mund të paraqesin kërkesë për pasaportë, mund të hapin firma, pa marrë pëlqimin e burrit, babait apo vëllait.
Mjekia Rayyanah Barnawi ishte vitin që shkoi gruaja e parë nga Arabia Saudite që u ngjit në Stacionin e Gjithësisë (ISS). Nga qielli Barnawi e përshëndeti gjyshen e saj dhe duke bërë me gisht nga veshi i tregoi se vathet e saj kanë arritur në qiell. Ngjitjen në qiell të Barnawit e pagoi qeveria saudite (50 milionë euro). Deri para disa vitesh gratë si Barnawi nuk lejoheshin të shkonin vetëm as në dyqanin e lagjes.
Ndërkohë udhëheqja në Riad e ka kuptuar se izolimi i grave, mbajtja e tyre si skllave ka pasoja të rënda për zhvillmin e shoqërisë si dhe dobëson ekonominë. Andaj duket se është vetëm çështje kohe kur në Arabinë Saudite të hapet debati mbi heqjen e obligimit për bartjen e shamisë. Ndonëse sa i përket respektimit të të drejtave të njeriut ky vend është shumë larg standardeve të pranuara ndërkombëtare, përparimi sa i përket të drejtave të grave është tashmë epokal. Këtë e tregon edhe pjesëmarrja në Miss Universe e Rumy Alqahtani.
Copyright: E.R. & Koha