Qeveria ka miratuar sot ndryshime të reja kadrovike, duke emëruar Amet Imerin në pozitën e ushtruesit të detyrës së drejtorit të Byrosë për Zhvillim Rajonal.
Vendimi vjen si pjesë e riorganizimit të disa institucioneve shtetërore pas zgjedhjes së Daut Memishit në krye të komunës së Tearcës dhe synon të sigurojë vazhdimësi në punën e këtij institucioni, i cili ka rol kyç në zhvillimin e balancuar rajonal, investimet lokale dhe përmirësimin e infrastrukturës në komunat e vendit.
Byroja për Zhvillim Rajonal është institucion që bashkëpunon ngushtë me komunat, agjencitë zhvillimore dhe organizatat vendore për të planifikuar dhe zbatuar projekte që ndikojnë drejtpërdrejt në përmirësimin e jetës së qytetarëve.