Kryetari i BDI-së, Ali Ahmeti, ka zhvilluar sot një takim me Keith Self, Kryetar i Nënkomisionit për Evropën në Kongresin Amerikan, ku të pranishëm ishin edhe Ziadin Sela dhe Bujar Osmani.
Në takim u diskutua për zhvillimet politike në Maqedonia e Veriut, sfidat që lidhen me ruajtjen e karakterit multietnik të shtetit dhe nevojën për zbatimin e plotë të Marrëveshja e Ohrit, si bazë për paqen, stabilitetin dhe integrimin euro-atlantik të vendit.
Ahmeti shprehu mirënjohjen për mbështetjen historike të Shtetet e Bashkuara të Amerikës ndaj proceseve demokratike dhe paqes në vend, duke vlerësuar interesimin e vazhdueshëm amerikan për stabilitetin dhe të ardhmen e rajonit.
Takimi u vlerësua si një mundësi e rëndësishme për shkëmbimin e pikëpamjeve mbi sfidat aktuale politike dhe forcimin e partneritetit ndërmjet Maqedonisë së Veriut dhe SHBA-së.
Ja postimi plotë:
Sot pata kënaqësinë të zhvilloj një takim të rëndësishëm me Congressman Keith Self, Kryetar i Nënkomisionit për Evropën në Kongresin Amerikan, së bashku me Zijadin Selën dhe Bujar Osmanin.
Diskutuam për zhvillimet politike në Maqedoninë e Veriut, për sfidat që lidhen me ruajtjen e karakterit multietnik të shtetit dhe për nevojën e respektimit të plotë të Marrëveshjes së Ohrit si garanci e paqes, stabilitetit dhe orientimit euro-atlantik të vendit.
Shpreha mirënjohjen për rolin historik të Shteteve të Bashkuara të Amerikës në ndërtimin e paqes dhe demokracisë në vendin tonë, si dhe për interesimin e vazhdueshëm amerikan për stabilitetin dhe të ardhmen euro-atlantike të rajonit.
