Kryetari i BDI-së, Ali Ahmeti, ka realizuar sot një vizitë për ngushëllime te familja Sadiku, duke shprehur mbështetjen dhe solidaritetin e tij në këto momente të vështira për familjen.
Gjatë vizitës, Ahmeti ka përcjellë fjalë ngushëllimi dhe respekti për familjen, ndërsa ka vlerësuar durimin dhe qëndrueshmërinë e tyre përballë dhimbjes së madhe.
Nga familja Sadiku kanë shprehur mirënjohje të sinqertë për vizitën dhe përkujdesjen e treguar nga kreu i BDI-së.
“Në emër të familjes Sadiku, shprehim falënderimet dhe mirënjohjen tonë të thellë për vizitën, mbështetjen dhe respektin e treguar nga z. Ali Ahmeti në këto momente të vështira për familjen tonë”, thuhet në reagimin e familjes.
Familjarët gjithashtu kanë falënderuar të gjithë qytetarët, miqtë dhe bashkëpunëtorët që kanë qenë pranë tyre me mesazhe, vizita dhe mbështetje morale gjatë ditëve të pikëllimit.
