AKTUALE

Ali Ahmeti mori pjesë në promovimin e librit “Kosova, lufta e heshtur” të diplomatit Zef Mazi në Tetovë

Kryetari i Bashkimit Demokratik për Integrim, Ali Ahmeti, mori pjesë në promovimin e librit “Kosova, lufta e heshtur”, të autorit dhe diplomatit Zef Mazi, organizuar nga Universiteti i Evropës Juglindore në Tetovë.

Me këtë rast, Ahmeti vlerësoi kontributin e diplomatit Zef Mazi në diplomacinë shqiptare dhe në përfaqësimin e interesave kombëtare në arenën ndërkombëtare, duke theksuar rëndësinë e përvojës dhe dëshmive të tij për dokumentimin e historisë sonë kombëtare.

Libri trajton dimensionin diplomatik të çështjes së Kosovës gjatë viteve 1991–1999, përpjekjet për ndërkombëtarizimin e saj, si dhe rolin e faktorit ndërkombëtar në rrugëtimin drejt lirisë.

Gjatë këtij aktiviteti u theksua se çlirimi i Kosovës ishte rezultat i ndërthurjes së luftës së armatosur të Ushtrisë Çlirimtare të Kosovës me përpjekjet politike dhe diplomatike në arenën ndërkombëtare.

Botimi “Kosova, lufta e heshtur” përbën një kontribut të rëndësishëm në dokumentimin e zhvillimeve diplomatike të asaj periudhe dhe në ruajtjen e kujtesës historike për brezat e ardhshëm.

Banner

Related posts

Salim Sulejmani, bartës i VLEN në NJZ5?

Gjyla Halili

Zgjedhja e Papës së Ri! Vatikani ndërpret sinjalet celulare gjatë konklavës

Gjyla Halili

Shoqata “Malësia e Madhe” – New York sonte organizon darkë për mbledhje të fondeve për TV. BOIN në Malësi

Gjyla Halili