Kam obligim moral për të respektuar gruan shqiptare, sepse më kanë strehuar, me pushkë nën jastëk kanë fjetur për të më mbrojtur mua më është krijuar momenti, pse mos u dalë zot këtyre nënave, motrave e grave për barazi”, kështu tha mes tjerash lideri i Bashkimit Demokratik për Integrim (BDI) – Ali Ahmeti në takimin e së premtes me Forumin e gruas në Gostivar.
“Kur kam ardhur nga ushtria dhe u shndërruam në politik asnjë grua shqiptar nuk ka pasur në asnjë institucion, as në Parlament, as në Qeveri, nga zeroja ja kemi nisur. Thua se dalim nga regjimi i mesjetës! Sot për të arriturat gëzohem, por nuk jam krenar. Nga 15 deputet, gjashtë janë gra, 40 për qind, por nuk dua të matet përfaqësimi i nënave, grave e morrave me përqindje. Le të jetë garë e hapur. Pse çka u mungon grave, inteligjenca, jo! U them drejt, se aty ku qeverisin gratë më mirë më ka dalë se te burrat. Më me ndershmëri, më me përgjegjësi, më me korrektësi i bëjnë punët, këto i kam vërtetuar. Ky do mbetet angazhimi përhershëm i yni”, potencoi Ahmeti.
