Në fshatin Llacë të Tetovës ka ndodhur një veprim i rëndë dhe i papranueshëm!
Në Maqedoninë e Veriut, atje ku në të kaluarën, para luftës së Ushtrisë Çlirimtare Kombëtare, ka qenë i ndaluar përdorimi i flamurit kombëtar, Hoxha nuk ka pranuar të kryejë varrimin e një Nëne shqiptare, vetëm sepse arkivoli i saj ishte mbuluar me flamurin kombëtar shqiptar!
Në të kaluarën pushtuesit e ndryshëm nuk lejonin ceremoninë e varrimit me simbolin e Kombit, tash pse hoxha duhet ta bëjë një akt të tillë?
Cka fshihet brenda këtij akti?
Kush e shtynë të veprojë kështu?
Flamuri kuqezi nuk është simbol kundër besimit!
Ai është simboli ynë kombëtar, pjesë e identitetit, historisë, luftërave për liri e çlirim, sakrificave të mëdha e të panumërta kundër sundimtarëve pushtues dhe dinjitetit të shqiptarëve!
Askush nuk duhet ta përdorë ceremoninë mortore për t’ia mohuar një pjestari të popullit shqiptar të drejtën që të përcillet në banesën e fundit me simbolin e kombit të vet!
Besimi duhet të bashkojë, të ngushëllojë dhe ta respektojë dhimbjen e çdo familjeje e jo të kushtëzojë varrimin dhe të krijojë përçarje në çastet më të rënda e më dramatike të jetës!
Ky gjest e kjo sjellje, kjo praktike dhe kjo ngjarje antikombëtare, qon ujë në mulli të ish-pushtuesve tanë, rritë apetitet e armiqëve dhe kundërshtarëve të popullit, Atdheut dhe Kombit shqiptar për t’u rikthyer në trojet tona e për të na përqarë!
Ismet Sylejmani,
Prishtinë, 30 Gusht 2026!
