Në Vitojë të Malësisë – Komuna e Tuzit, më 21, 22 dhe 23 gusht 2026, do të zhvillohet Festivali Mbarëkombëtar i Folklorit “Rapsha 2026”, organizuar nga SHKA “Rapsha”.
Festivali do të sjellë pjesëmarrjen e shoqërive dhe ansambleve folklorike nga Malësia, Kosova, Shqipëria, Maqedonia e Veriut, Lugina e Preshevës, Gucia dhe diaspora, të cilat përmes këngës dhe vallës do të prezantojnë traditat dhe trashëgiminë kulturore shqiptare.
Defilimi nëpër qendrën e Tuzit do të nisë në ora 17:30, ndërsa programi festiv në Vitojë fillon në ora 20:00.
Përmes këtij aktiviteti synohet promovimi dhe ruajtja e trashëgimisë së pasur folklorike shqiptare, duke e kthyer Vitojën në një pikëtakim të kulturës dhe traditës.
