15 vite burg për Beran А., me origjinë nga Maqedonia, i cili planifikonte sulm në koncertin e Taylor Swift në Vjenë. Një gjykatë në Austri ka dënuar me 15 vite burg Beran А., i lindur në Austri nga prindër me origjinë nga Maqedonia, pasi u shpall fajtor për tentativë vrasjeje dhe aktivitete terroriste lidhur me planifikimin e një sulmi në koncertin e këngëtares Taylor Swift në Vjenë.
Sipas mediave austriake dhe gjermane, i riu ishte radikalizuar përmes propagandës islamiste në internet dhe kishte planifikuar sulmin për motive ideologjike dhe fetare. Hetimet zbuluan se ai synonte të shkaktonte viktima masive mes mijëra pjesëmarrësve në koncertet që ishte planifikuar të mbaheshin verën e kaluar në kryeqytetin austriak.
Shërbimet austriake të sigurisë arritën ta zbulojnë planin me kohë, pas çka koncertet u anuluan për arsye sigurie. Rasti shkaktoi reagime të mëdha në opinionin publik evropian dhe riktheu shqetësimet për kërcënimet terroriste në ngjarje të mëdha muzikore dhe sportive.
Gjykata vlerësoi se bëhet fjalë për një rast jashtëzakonisht serioz me shkallë të lartë rrezikshmërie, duke i shqiptuar dënim prej 15 vitesh burg.
