Kryetari i Ali Ahmeti, sot zhvilloi një takim me Sami Hotin, vëllain e dëshmorit të Ushtrisë Çlirimtare Kombëtare, Hilmi Hoti.
Gjatë takimit u diskutua për rëndësinë e ruajtjes së vlerave kombëtare, sakrificën e brezave që kontribuuan për lirinë dhe dinjitetin e popullit shqiptar, si dhe për sfidat dhe perspektivat e së ardhmes.
Kryetari Ahmeti vlerësoi lart kontributin e familjeve atdhetare, të cilat në periudha të ndryshme historike kanë qëndruar në mbrojtje të kauzës kombëtare, duke theksuar se kujtesa për dëshmorët dhe sakrifica e tyre mbeten frymëzim i përhershëm për brezat e rinj.
Nga ana e tij, Sami Hoti ndau reflektime mbi trashëgiminë e familjes së tij, duke theksuar rëndësinë e ruajtjes së idealeve për të cilat u sakrifikuan shumë veprimtarë dhe dëshmorë të kombit.
Bashkëbisedimi u përqendrua edhe në nevojën që idealet e lirisë, barazisë dhe dinjitetit të shndërrohen në progres, zhvillim dhe perspektivë për gjeneratat e ardhshme, në shërbim të interesit kombëtar dhe të ardhmes së shqiptarëve.