Kryetari i Qeverisë së Republikës së Maqedonisë së Veriut, Hristijan Mickoski, sot duke iu përgjigjur pyetjes gazetareske në lidhje me paralajmërimet për rritjen e investimeve në arsim dhe çfarë do të thotë kjo konkretisht për komunitetin arsimor, deklaroi:
“Në shkencë, krahas këtyre investimeve infrastrukturore, do të thosha kapitale, nëse krahasohet buxheti i këtij viti me atë të vitit 2024, do të arrini në një rritje të dyfishtë. Tani është diku rreth 770 milionë denarë në vit, mbështetje për shkencëtarët dhe hulumtuesit tanë. Por nuk është vetëm kjo, si Qeveri gjithashtu kemi mundësuar qasje falas në dy baza të revistave shkencore, ato janë ‘Web of Science’ dhe ‘Scopus’, të cilat po ashtu për herë të parë janë siguruar nga Qeveria, që të jenë me qasje falas në mënyrë që shkencëtarët dhe hulumtuesit t’i përdorin kur krijojnë punimet e tyre shkencore. Kështu që absolutisht vazhdojmë të investojmë edhe në shkencë dhe ky është prioriteti ynë i parë.”
